يقولهـا اللـي للمعاليـق ذبـاح:

 

خل المشاعـر بيننـا مستديمـه

 

:

 

:

 

طـوّل بعـاده والتغلـي  ولانـاح

 

ويبغى حياتي بالهوى مثـل ديمـه

 

:

 

:

 

باب المحبه والغـلا لـه  مفتـاح

 

من يجهله يلقـى حياتـه عقيمـه

 

:

 

:

 

اليوم يقتل ماضي الامس  ياصـاح

 

لاصار شمسـه ماتغطيـه غيمـه

 

:

 

:

 

تعبت اتابع خطوتك ليـن ماطـاح

 

قلبي تحت قاع الظروف الوخيمـه

 

:

 

:

 

صوتي عليكم ماتوانى ولا  ارتـاح

 

والصوت مانادى نفـوس رحيمـه

 

:

 

:

 

وش تنتظر مني اذا الصبح مـالاح

 

الا هجيـري والشكـاوي  أليمـه

 

:

 

:

 

شيل العتب وارفع كلامك  والافراح

 

ماتكتمل بين القلـوب  الخصيمـه

 

:

 

:

 

دامي على حر النوى باقي جـراح

 

مايكتويهـا اي طبيـب  وفهيمـه

 

:

 

:

 

ماغاية الذكرى وشوق العنا  بـاح

 

صمتي واقول الآه والحـر شيمـه

 

:

 

:

 

تبقى الكرامة صوت الاحرار صداح

 

ماعاش راسي الا ونفسي كريمـه

 

:

 

 

 

 

 

 

 

 

جميع الردود المنشورة لا تعبّر بالضرورة عن رأي الموقع إنما عن رأي صاحبها